Asa Pinas Eh!

Ang Sayaw ng Dalawang Kaliwang Paa (2011) 
Manulat ni Jayson Fajardo

Ang “Epic” ng mga...
Kaliwa: Kung hindi ka titigil. Sasapakin na kita!
Kanan: Subukan mo kung kaya mo...
Kaliwa: Kung hindi ka talaga titigil. Bibigwasan na talaga kita!
Kanan: Hawakan mo muna tainga ko.
Kaliwa: Grabe ang tagal.
Kanan: Kasi...
Kaliwa: Yun, kuhang kuha mo na. Gusto mong maluha kagaya ni Paolo Avelino sa pelikula. Kasi alam mo naman pero hindi mo maintindihan. Hindi ka kasi nakikinig sa lite. prof. mo parang kay Beki kahit dalisay tumula ang babaeng ini, matutulala ka pa rin.
Kanan: Kung hindi ka pa titigil sa kakakuda, tatadyakan na kita. Kuhang kuha ko naman talaga kaso umiinit lang ang dugo ko. Bakit ba, “Ang Sayaw ng Dalawang Kaliwang Paa?”

Kaliwa: Inggit ka sa title. Aminin mo na.
Kanan: Kung hindi ka pa titigil. Always keep left na lang ang pagtalunan natin.
Kaliwa: Fuck you ka!
Kanan: Kaliwa ka!
Kaliwa: Bakit ba kasi yun ang title? Naiinsulto ako bigla.
Kanan: Nasa title ka na nga umaarte ka pa. Gayahin mo na lang si Rocco Nacino sa pagsayaw para ma-release yan.
Kaliwa: Seryoso ako kanan. Wala pa akong narinig na nagtaksil na kumakanan.
Kanan: Alam mo huwag kang literal. Walang utak sa mga paa. Hindi natin alam kung ano ang tama o mali. Basta paa tayo! Parang kabaklaan hindi pinag-iisipan kundi tinatanggap.
Kaliwa: Halata ba?
Kanan: Basta alam ko.
Kaliwa: Paano ka nakasisiguro? Pumipilantik ba ang mga dailiri sa paa?
Kaliwang kamay: Tang ina niyo. Sasapakin ko kayong dalawa. Kanina pa kayo!
Kanang kamay: Tang ina niyo. Sasampalin ko kayong dalawa. Kanina pa kayo!
Kaliwa: Kung hindi tayo titigil. Maaabot tayo ng mga kamay.
Kanan: Sayaw na lang tayo kasi hindi natin matatadyakan ang mga kamay ni Alvin Yapan.

“Mag-ingat ka sa akin dahil hindi lang repleksiyon mo ang aking nakikita. Kaso bilang ako hindi lang kita nakikita. Nabobosohan kita. Nasusulyapan kita. Natitignan kita. Napagmamasdan kita. Hindi man natin alam kung may kaluluwa o wala talagang kaluluwa, nahahawakn ko pa rin ang kung anumang entidad na meron ka. Kilalang kilala kita. Tinatawag ka nilang bakla kahit wala namang kaso ang ganitong pagbibigay ng ngalan o uri. Alam ko yun. Kilala nga kita! Tumatagos ang iyong pagmamahal. Minsan lang yan kaya ihanda mo ang sarili mo. Dahil sa minsan mong pagkahulog, hindi mo alam kung sasaluhin ka ba o babagsak ka na lang? Ihanda mo na ang pagsayaw ng iyong dalawang paa. Kaya ikaw lalaki ka! Bilang ako nakikita ko ang babae sa iyong katauhan.” -Si Dennis na nakatingin sa salamin

“Ako ay babaeng nakatingin sa inyo. Inaapoy ng mga luha ang titig ko sa inyo. Iniiyakan ko ba ang sarili ko? Umiiyak ako dahil kilala ko ang sarili ko. O bakit ka nakatingin sa akin? Hindi ka ba natatandaan? Ikaw bakit nakatingin ka rin sa akin? Hindi ka rin ba natatandaan sa akin? Kayo bakit kayo nakatingin sa akin? Hindi ba kayo natatandaan sa akin? Tinitignan niyo ang hubad at hubo kong katawan. Kahit tignan niyo ang kuweba na yan. Kahit lakbayin niyo yan. Kailanman hindi maiintindihan ng mga lalaki ang aking kalaliman. Mapapasok niyo lang yan ngunit hindi niyo mababatid o mauunawaan. Dahil ang kalaliman ng babae ay waring epiko na kailangan ng taludtod, musika, at sayaw. Dahil ang kakaliman ng babae ay isang makata.” -Si Karen na nakatingin sa basag na salamin
“Kailan ka haharap sa akin? Kailan mo makikilala ang sarili mo? Sige, humele ka sa musika. Sumayaw ka sa bawat stanza. Sumayaw ka. Sumayaw ka gamit ang iyong dalawang kaliwang paa. Bahala ka na. Nandiyan na siya. Sa luha maglaladlad ka?-” Si Marlon na hawak ang nakatalikod na salamin.

Vox stultus? (Dahil hindi lang naman matatalino ang nanonood ng mga pelikula)