Asa Pinas Eh!

Narito ang sampung dahilan kung anu ang pinagkaiba ng mga kabataan noon sa ngaun.


1. Number sign pa ang tawag dito noon # pero ngayon, HASHTAG na.
2. Wala pang gamit dati ang mga letra sa dial pad ng analog na telepono, pero ngayon, importante na sila dahil sa text message ng cellphone.
3. Wire lang ng kuryente ang kahulugan noon ng Cable pero ngayon Satellite TV na.
4. Ang text (teks) para sa mga bata noon ay maliit na kartong may drowing, ngayon term na ito para sa SMS ng cellphone.
5. Ang katumbas lang ng unli-chat noon ay ang umpukan ng mga nanay sa kantong may tindahan, ngayon nag-evolve na siya as promo ng telcos.
6. ‘Pag sinabing “smart” associated agad ito sa mga batang matatalino, samantalang ang Globe at Sun naman ay sa universe o representasyon nito.
7. Ang “like” noon ay hindi kini-click lang kundi sinasabi ng harapan habang ang “comment” naman ay katumbas ng payo o sermon ng magulang ‘di tulad ngayon, na kahit sino’y pwedeng magkomento.
8. Masaya na ang mga bata noon sa bagong biling paper pad samantalang ang mga bata ngayon ay mamahaling iPad ang maghapong hinahawakan. ‘Pag sinabing ‘tablet’ sa botika o sari-sari store ang aming destinasyon pero ngayon, ang tablet ay status symbol mula sa mga mall.
9. Ang larong bahay-bahayan noon ng kabataan ay unti-unti nang naglaho dahil mas nakakalibang daw ang paggawa ng bahay sa Minecraft sabi ng bagong henerasyon ng kabataan. Wala na ang kinagisnang piko, tumbang preso, sipa etc. dahil mas patok na ang Clash of Clans, Candy Crush at iba pang games sa Android.
10. Ang mga book noon ay source ng impormasyon at kaalaman ‘di tulad ng popular na Facebook ngayon na sources ng tatlong “I”; inis, inggit at insecurity.
Hindi ko inabutan ang mga ‘yan dahil nabibilang ako doon sa bagong henerasyon ng kabataan.

Mula sa panulat ni Ramil Gubalane