Asa Pinas Eh!

Dear Jesus,

Kumusta ka na?

Hindi ko alam kung bakit kita naalala kita nung mapanood ko ang Lisyun qng Geografia. Kung naalala man kita o naalala ko lang ang alaala dahil ito ay isang alaala. Hindi ko talaga alam---tulad ng hindi ko alam kung bakit ko ito pinanood ng mga apat na beses o limang beses na yata. Hindi ko alam, ang alam ko lang naalala lang kita. Siguro dun sa pakikinig nila ng music. Kasi nung magkaklase pa tayo. Pumupunta tayo sa paborito nating lugar na tayong dalawa lang ang nakaaalam. Pinakikinggan din natin ang paborito nating kanta ng Hillsong na Forever Reign. Ganito pa nga yung lyrics nun, “The riches of your love will always be enough...” Ang ganda ng boses mo kapag kumakanta tayo. Kahit kailan hindi ko yun magagawa kasi ang panget ng boses ko haha... Pagkatapos nun, pagkatapos nun. Hindi ko alam kung bakit, hindi ko alam kung bakit natin hinahawakan ang kamay ng isa't isa. Hindi ko alam kung bakit ka sumasandal sa balikat ko. Hindi ko alam kung bakit ka nagpapapasan sa akin. Hindi ko alam kung bakit natin pinagkukuwentuhan ang pamilya at kaibigan natin. Hindi ko alam, hindi ko alam. Ang alam ko lang kaibigan kita. Ang alam ko lang mahal kita. At ang alam ko lang bawal. Bawal kasi parehas tayo ng kasarian...

Ay, ako yata yun. Ako yata yang nakita ko sa taniman ng mga mais. Di ako sigurado pero parang ako talaga yun? Napansin niyo ba ako? Siguro hindi niyo napansin o di niyo pinansin? Sige magpapakilala ako: AN ACT STRENGTHENING THE COMPREHENSIVE AGRARIAN REFORM PROGRAM (CARP), EXTENDING THE ACQUISITION AND DISTRIBUTION OF ALL AGRICULTURAL LANDS, INSTITUTING NECESSARY REFORMS, AMENDING FOR THE PURPOSE CERTAIN PROVISIONS OF REPUBLIC ACT NO. 6657, OTHERWISE KNOWN AS THE COMPREHENSIVE AGRARIAN REFORM LAW OF 1988, AS AMENDED, AND APPROPRIATING FUNDS THEREFOR

Tapos na ba ba kayong manghusga? Akala niyo wala akong nararamdaman. Maka-judge kayo, bakit close ba tayo! Talagang naka-print screen pa kung paano ako napahiya. Porke't ako ang mali bawal na ako magsalita. May karapatan din naman akong magsalita. Mga burgis! May nagmessage pa sa akin sa fb na. “If you're a true cinephile. You will do anything and everything to watch the film legally. By the way, you do have lot of fragments and you're not using right punctuations. Shakespearean English is the true language of cinephile.” Tang ina mo! Burgis! Unang una sa lahat hindi ko alam yung kahulugan ng cinephile, wala akong pambili ng dictionary. Nakigamit nga lang ako ng phone nung pinost ko yung photo na yun. Oo, wala akong pansine. Tang ina, 200 pesos saan ako kukuha nun! Burgis! Pero kapag yumaman ako sa Sagada at Baguio ako magso-soul search. Burgis! Sige simulan natin ang paggawa ng formula kung paano ako nabubuhay para lang makapag-aral. 200 pesos ang baon ko sa isang linggo.

“Ayos lang naman na mahaba pero bakit hindi diretso tapos parang ang laki pa.” 
-Tao na nanood ng Norte na mahilig kumain ng hotdog